ആരീ വെള്ളച്ച്ചാട്ടങ്ങളെ
നിരന്തരം കെട്ടഴിച്ചു വിടുന്നു?
സമാധാനത്തിന്റെ കണക്കെടുപ്പ് അടുക്കും തോറും
എന്റെ ആധി ആരറിയാന്?
തകര്ന്ന പാലങ്ങളുടെ മുഖവടിവില്
എന്നേ ചേര്ക്കപ്പെട്ടു ഞാന്.
എല്ലാ വെള്ളച്ചാട്ടങ്ങളും നിന്റെ മീതെ കടന്നു പോകുന്നു
നിന്നെ നനയ്ക്കാതെ കടന്നു പോകുന്നു
എന്നെ തകര്ത്ത് കടന്നു പോകുന്നു
Thursday, January 29, 2009
Wednesday, January 28, 2009
ശിശിരം
അത്ഭുത കാന്തമേ
തണുപ്പില്
കരിയാന് മടിക്കുന്ന
മുറിവാണ് ഞാന്.
രക്തത്തില് നിന്നെ
മുക്കിക്കൊന്ന്
നിന്റെ പേര് അനശ്വരമാക്കട്ടെ?
തണുപ്പില്
കരിയാന് മടിക്കുന്ന
മുറിവാണ് ഞാന്.
രക്തത്തില് നിന്നെ
മുക്കിക്കൊന്ന്
നിന്റെ പേര് അനശ്വരമാക്കട്ടെ?
Tuesday, January 27, 2009
ഫ്ലൈ ഓവര്
ആരെന്നും എന്തെന്നും
നിനക്കൊരു ചുക്കും അറിയാന് മേലാത്ത
ആരാണ്ടൊക്കെ ഇരിക്കുന്ന വണ്ടികളെ
ഈ ദുരിതമേല്പ്പാലം കേറ്റി വിടാനല്ലാതെ
ഇത്ര ചിരിക്കാന് മാത്രം നിനക്കെന്തറിയാം
കുടുക്ക് പാലമേ...
നിനക്കൊരു ചുക്കും അറിയാന് മേലാത്ത
ആരാണ്ടൊക്കെ ഇരിക്കുന്ന വണ്ടികളെ
ഈ ദുരിതമേല്പ്പാലം കേറ്റി വിടാനല്ലാതെ
ഇത്ര ചിരിക്കാന് മാത്രം നിനക്കെന്തറിയാം
കുടുക്ക് പാലമേ...
Friday, January 23, 2009
മഞ്ഞ
ഒരു ഇല കൊഴിയുന്നതിന്റെ
നിശബ്ദതയാണത്.
കാറ്റില് ഉലഞ്ഞു
ഉതിര്ന്നു പോകലുകള്.
നീയൊരു ഇലയായിരുന്നെന്ങില്
ഞാന് അതിന്റെ ഞരമ്പില്
കുടുങ്ങിക്കിടന്നേനെ.
നിശബ്ദതയാണത്.
കാറ്റില് ഉലഞ്ഞു
ഉതിര്ന്നു പോകലുകള്.
നീയൊരു ഇലയായിരുന്നെന്ങില്
ഞാന് അതിന്റെ ഞരമ്പില്
കുടുങ്ങിക്കിടന്നേനെ.
Wednesday, January 21, 2009
പലായനം
ഒരു കുഞ്ഞു പൂവ് പ്രസവിച്ചതാണീ
മുഴുവന് വസന്തത്തെ.
കൂരിരുട്ടിന്റെ തൊട്ടിലില്
വിരല് നുണഞ്ഞുരങ്ങുമ്പോള്
പ്രപഞ്ചമേ, ഞാന് നീയാണ്.
മുഴുവന് വസന്തത്തെ.
കൂരിരുട്ടിന്റെ തൊട്ടിലില്
വിരല് നുണഞ്ഞുരങ്ങുമ്പോള്
പ്രപഞ്ചമേ, ഞാന് നീയാണ്.
Thursday, January 15, 2009
ഏറ്റവും ചെറിയ അപകടങ്ങള്
ഒന്ന്:
ഇപ്പോഴും എല്ലാ ഞായറാഴ്ചയും
ആ പഴഞ്ചന് നഗരത്തില്
വെളുപ്പിന്
പ്രാവിന്കാഷ്ടം മണക്കുന്ന
കുര്ബാനകള് നടക്കുന്നുണ്ടാവും.
ഇത്ര കണിശമായി ജീവിക്കുന്ന മറ്റൊരു നഗരമില്ല.
രണ്ട് :
ഈ നഗരം എന്തൊരു ആഴം,
ഞാന് ഇതില് മുങ്ങി മരിക്കുകയാണ്.
ഇപ്പോഴും എല്ലാ ഞായറാഴ്ചയും
ആ പഴഞ്ചന് നഗരത്തില്
വെളുപ്പിന്
പ്രാവിന്കാഷ്ടം മണക്കുന്ന
കുര്ബാനകള് നടക്കുന്നുണ്ടാവും.
ഇത്ര കണിശമായി ജീവിക്കുന്ന മറ്റൊരു നഗരമില്ല.
രണ്ട് :
ഈ നഗരം എന്തൊരു ആഴം,
ഞാന് ഇതില് മുങ്ങി മരിക്കുകയാണ്.
മറൈന് ഡ്രൈവില് നിന്നും സൌത്തിലെയ്ക്ക് ഒരു ബൈക്ക് പായുമ്പോള് ലോകം അറിയാതെ പോകുന്ന ചില ലോക കാര്യങ്ങള്.
സൌത്ത് പാലം,
മുല്ല പൂക്കള്,
നിറം കോരിയിട്ട സാരി,
ചിരി, നടപ്പ്,
എല്ലാം നിനക്കു ബിംബങ്ങളാണ്.
വൈകുന്നേരം
എല്ലാം നിന്നെ വേദനിപ്പിക്കുന്നു,
നിന്നിലെ പച്ചച്ച നീലച്ച മഞ്ഞച്ച മനുഷ്യന്
ചങ്ക് പൊട്ടി
വിങ്ങി വീര്ത്തു വശക്കേടായി...
ഒന്നും പറയണ്ട...ഹൊ!
ഒടുവില്
നശിച്ച പാതിരകളില്
അടുത്ത്
വാ പൊളിച്ചു കിടക്കുന്നവനെ
കുലുക്കി ഉണര്ത്തി
'എടാ, നമുക്കു പെണ്ണ് പിടിക്കാന് പോകാം'
എന്ന് പറയിപ്പിക്കുന്നത് എന്താണ് ?
മനുഷ്യ സ്നേഹികളെ ഒരെണ്ണത്തിനെയേലും
വിശ്വസിക്കാവോ? പറ!
മുല്ല പൂക്കള്,
നിറം കോരിയിട്ട സാരി,
ചിരി, നടപ്പ്,
എല്ലാം നിനക്കു ബിംബങ്ങളാണ്.
വൈകുന്നേരം
എല്ലാം നിന്നെ വേദനിപ്പിക്കുന്നു,
നിന്നിലെ പച്ചച്ച നീലച്ച മഞ്ഞച്ച മനുഷ്യന്
ചങ്ക് പൊട്ടി
വിങ്ങി വീര്ത്തു വശക്കേടായി...
ഒന്നും പറയണ്ട...ഹൊ!
ഒടുവില്
നശിച്ച പാതിരകളില്
അടുത്ത്
വാ പൊളിച്ചു കിടക്കുന്നവനെ
കുലുക്കി ഉണര്ത്തി
'എടാ, നമുക്കു പെണ്ണ് പിടിക്കാന് പോകാം'
എന്ന് പറയിപ്പിക്കുന്നത് എന്താണ് ?
മനുഷ്യ സ്നേഹികളെ ഒരെണ്ണത്തിനെയേലും
വിശ്വസിക്കാവോ? പറ!
Subscribe to:
Posts (Atom)