സൌത്ത് പാലം,
മുല്ല പൂക്കള്‍,
നിറം കോരിയിട്ട സാരി,
ചിരി, നടപ്പ്,
എല്ലാം നിനക്കു ബിംബങ്ങളാണ്‌.
വൈകുന്നേരം
എല്ലാം നിന്നെ വേദനിപ്പിക്കുന്നു,
നിന്നിലെ പച്ചച്ച നീലച്ച മഞ്ഞച്ച മനുഷ്യന്‍
ചങ്ക് പൊട്ടി
വിങ്ങി വീര്‍ത്തു വശക്കേടായി...
ഒന്നും പറയണ്ട...ഹൊ!
ഒടുവില്‍
നശിച്ച പാതിരകളില്‍
അടുത്ത്
വാ പൊളിച്ചു കിടക്കുന്നവനെ
കുലുക്കി ഉണര്‍ത്തി
'എടാ, നമുക്കു പെണ്ണ് പിടിക്കാന്‍ പോകാം'
എന്ന് പറയിപ്പിക്കുന്നത് എന്താണ് ?
മനുഷ്യ സ്നേഹികളെ ഒരെണ്ണത്തിനെയേലും
വിശ്വസിക്കാവോ? പറ!
