Tuesday, April 8, 2008

കാല്‍(പനി)കം



മഴ ചാട്ട വീശിയ വഴിവക്കില്‍
വെറുങ്ങലിച്ചു വിറച്ചു...
ചാറ്റല്‍ മഴയുടെ നനുത്ത സ്വപ്നം
ഓടയില്‍ ഒലിച്ചു പോ ണതു നോക്കി ,
ഉടുപ്പുകള്‍ എല്ലാം കൂട്ടി പിടിച്ചു ,
കുടയുടെ വിപ്ലവ കാറ്റില് ഉലഞ്ഞു,
കോച്ചുന്ന കാല്‍ രണ്ടും നീട്ടി വെച്ചു ,
ഒരു കട്ടന്‍ മാത്രം കൊതിച്ചു ,
ആണ്ടെ പ്രണയം നടന്നു പോകുന്നു.
പിന്നില്‍ തെറിച്ച ചെളിചിത്രം കൊള്ളാം ,
എത്ര അലക്കിലും മായാതോരോര്‍മ്മ.