മുങ്ങി മരിക്കണമെന്നാശിച്ച
നീല ജലാശയം
എന്നെ പ്രതിഫലിപ്പിച്ചു.
പടിയിറങ്ങുന്ന നേരം ലാഭിച്ച്
ഞാന് വഴുതിവീണു.
കണ്ണില് അപ്പോള് ജലാശയമായിരുന്നു.
ആഴങ്ങളിലേയ്ക്ക് ഇറങ്ങിയപ്പോള്
എവിടെ വെച്ചാണ്
ഞാന് ഉഭയജീവി ആയത്?
ഞെട്ടാതുണര്ന്നപ്പോള്
മെല്ലെ കണ് തുറന്നപ്പോള്
ഞാന് തനിച്ചായിരുന്നു.
മീനുകള് ചുംബിച്ച പോല്
കാല് വിരലുകളില് മൃദു സ്പര്ശമായത്
മിന്നാമിനുങ്ങുകള് ആയിരുന്നു.
