ഓരോ രാ മണി മുഴക്കത്തിലും
തുളഞ്ഞിറങ്ങുന്ന
തുരുമ്പിച്ച കത്തി പോലെ
വേദനക്കോടി വര്ഷങ്ങള്.
'പറന്നു പറന്നു പറന്നു ചെല്ലാന് പറ്റാത്ത'*
നിലയറിയാ താഴ്ചകള് ഏതെല്ലാം?
സഹന പരിധികള്ക്കപ്പുറം
മൊഴി മാറ്റി
നീ നാടുകടത്തിയ
പീഡകള് ഏതെല്ലാം?
നിന്റെ ശ്വാസം ഇനി എതുവാ-
ക്കേതു വാക്കോതുമെന്നോര്ത്ത്
അര്ത്ഥ ബോധത്തിന്റെ
ഘന തമസ്സില് ഉടക്കിയെന്റെ
ചിറകു കരിഞ്ഞു ദുര്ഗന്ധം പരക്കുന്നു.
*ഒരു പാട്ട്, ഒരു വരി, ഒരു ജീവിതം.
