പഴയ നോട്ട്ബുക്കുകളില് എപ്പോഴും ഉണ്ടാവും
ധൃതിയില് വലിച്ചുകീറിയെടുത്ത ഒരു താളിന്റെ അരിക്.
കുറേ ആലോചിച്ചാലുംകിട്ടില്ല
എന്ത് കുറിപ്പ്, ആരുടെ മേല്വിലാസം, ഏതു കണക്ക്, എന്ന്?
അരികുകളില് വിരലോടിച്ചുനോക്കണം,
ചീന്തിയെടുക്കപ്പെട്ടതിന്റെ ബാക്കിക്കെന്തുഭംഗി.
ഒരു മഷിപ്പേന ചെരിച്ചുപിടിച്ച് ഓടിച്ചുപോയാല്
അരികില് പടരുന്ന നിറത്തിനെന്തുഭംഗി.
ഒരു പുതിയ മുറിവ് പോലെ
നനഞ്ഞത്,
ഒരു പഴയ കടലാസ് പോലെ
മഞ്ഞച്ചുപോയത്.
